Eika Ansatt

Grunna låg interesse for tilbodet har vi valt å avvikle vår avtale med Priority Pass frå 1. januar 2025. Priority Pass er ei tilleggsteneste knytt til Eika Ansatt kredittkort som blir fornya med jamne mellomrom.

Kva betyr denne endringa for deg?

• Du vil framleis kunne bruke ditt Priority Pass fram til utgangen av desember 2024.
• Dersom ditt Priority Pass har utløpsdato i november 2024, vil du få ei ordinær fornying som du kan bruke til og med 31. desember 2024. Priority Pass med utløp i desember 2024 vil ikkje bli fornya. Det er heller ikkje mogleg å få tilsendt eit nytt Priority Pass dersom du mistar det du har i løpet av hausten.
• Alle Priority Pass knytt til våre kredittkort vil slutte å fungere etter 31. desember 2024, og vil ikkje lenger gi tilgang til flyplassloungane som er ein del av tilbodet

Vi beklagar dei eventuelle ulempene denne endringa fører med seg for deg, og håper å kunne tilby ei alternativ loungeteneste etter kvart.

Her finn du ei enkel forklaring på kva eit kredittkort er og korleis du brukar det riktig.

Du må vere 18 år eller eldre for å kunne søke om Eika Ansatt Kredittkort. Har du fleire andre kredittkort frå før, bør du avslutte nokre av desse før du søker om eit nytt kort. Me anbefaler at du beheld eitt kredittkort til private kjøp og Eika Ansatt til firmautlegg.

Søknaden finn du på denne sida og i mobil- og nettbanken. Den er enkel å fylle ut, og du signerer dokumenta elektronisk med BankID.

Før me avgjer om du kan få kredittkort hos oss, er me pliktige til å foreta ei kredittsjekk av deg.

• Dei fleste søknader blir innvilga automatisk rett etter at kredittsjekken er utført.
• I nokre tilfelle treng me litt meir informasjon, og søknaden blir då sendt til manuell vurdering.
• Har du fleire andre kredittkort eller usikra forbrukslån, kan det hende at me ikkje kan gi deg Eika Ansatt , og du får avslag. I det tilfellet kan du ta ein prat med oss, så kan me saman sjå på moglegheitene for refinansiering.
  
  Har du spørsmål om søknaden eller treng hjelp undervegs, ta ein prat med oss, så ser me på det saman.

Med Eika Ansatt er du godt sikra når du er på forretningsreiser eller handlar på nett på vegner av bedrifta.

Ei god reise- og avbestillingsforsikring følger sjølvsagt med på kjøpet.
Forsikringa gjeld når minst 50 % av reisekostnadene til transport og overnatting er betalt med kredittkortet.

Gode reklamasjonsordningar dersom uhellet er ute.
Handlar du mykje på nett på vegner av bedrifter, kan det hende at ei bestilling blir borte i posten, eller at du mottar feil leveranse. Då er det godt å vite at du enkelt kan reklamere på kjøpet ved å kontakte oss om reklamasjon. Les meir om korleis du går fram her.

Du får inntil 45 dagars rentefri betalingsutsetjing når du brukar ditt Eika Ansatt Kredittkort. Du vil motta ein månadleg faktura med forfall 5., 15. eller 25., avhengig av kva forfallsdato du vel vel i kredittkortsøknaden. Du kan velje mellom eFaktura og faktura per post, og enkelt gjere ekstra innbetalingar i mobil- og nettbanken.

For å få refusjon frå arbeidsgivar må du levere reiserekningar eller fylle ut utleggsskjema som vanleg. Me kan ikkje sende fakturaen direkte til bedrifta eller knytte det mot bedriftens rekneskapssystem.

Eika Ansatt er eit kredittkort med privatansvar og er ikkje tilknytt din arbeidsgivar. Du beheld kortet vidare om du avsluttar arbeidsforholdet og kan bruke det for å handtere utlegg frå fleire bedrifter på same tid.