Hopp til innholdet
Bli kunde Bytt til bedrift
ikon sammen mot toppen
Saman bygger vi Kredittbanken slik at du kan få kredittkort og forbruksfinansiering med gode vilkår også i tida framover.
Forbrukslan

Ein del av Eika Kredittbanken blir Kredittbanken ASA

I løpet av første halvår 2025 gjennomgår Eika Kredittbank fleire viktige organisatoriske endringar.

Frå 7. januar 2025 blir kredittverksemda i Eika Kredittbank ein del av Kredittbanken ASA, som er eigd direkte av bankane i SpareBank 1 og Eika Alliansen.

Den gjenværande delen av Eika Kredittbank planlegg å endre namn til Eika digitalbank og vil halde fram med å drifte våre lån til ulike typar køyretøy akkurat som før. Namneendringa skjer òg den 7. januar.

Har du kredittkort eller forbrukslån hos oss, vil du oppleve fleire endringar i løpet av våren 2025.

Har du spørsmål, er du hjarteleg velkomen til å ta kontakt med oss. Vi er her for å hjelpe deg gjennom denne overgangen.

Ver litt ekstra på vakt!

Svindlarar utnyttar ofte organisatoriske endringar som denne for å lure deg og få tak i dine personopplysningar eller annan informasjon dei kan utnytte.

Hugs å aldri oppgje kontoinformasjon, BankID-kodar eller passord, uansett kven som spør – anten det er banken, politiet, familie, vener eller andre. Vi vil aldri be deg om å oppgje kodar og passord via e-post eller telefon.

For deg med kredittkort

  • Sjølv om ein ny bank skal drifte korta, forblir det meste uendra ei stund til. Du behald same kredittgrense, kort, PIN-kode og korttenester i mobil- og nettbanken. Eika Kredittbank som namn vil framleis visast på enkelte dokument og nettsider fram til kortsystema blir oppdaterte i mai 2025.

  • Frå samanslåinga vil Kredittbanken ASA vere ansvarleg for dine personopplysningar knytt til kredittkortet ditt. Dine samtykke og andre forhold som rører ditt personvern vil bli automatisk overførte til det nye selskapet og vil vere gjeldande som tidlegare.

    Eika Kredittbank vil likevel i ein periode etter samanslåinga forvalte dine samtykke på vegner av Kredittbanken. Dette betyr at dine samtykke blir gjevne og endra på same stad i mobil- og nettbanken, akkurat som før.

    For meir informasjon om behandlinga av dine personopplysningar i tida etter samanslåinga, sjå personvernerklæringa for Kredittbanken ASA på selskapets nettside.
  • Du vil få ein ny kort- og fakturautstadar, men både kontonummer og KID-nummer på fakturaen forblir uendra. Då kan du halde fram å betale akkurat som før.

  • Våren 2025 vil korta bli overførte til ei ny teknisk plattform, og mykje vil endre seg undervegs. Dette kjem vi tilbake til på nyåret. Følg med på informasjonen på våre nettsider og i våre nyheitsbrev.

For deg som har forbrukslån 

  • Sjølv om ein ny bank skal drifte forbrukslåna frå oss, forblir mykje uendra. Du behald same vilkår på lånet og same nedbetalingsplan som før.

  • Frå samanslåinga vil Kredittbanken ASA vere ansvarleg for dine personopplysningar knytt til kredittkortet ditt. Dine samtykke og andre forhold som rører ditt personvern vil bli automatisk overførte til det nye selskapet og vil vere gjeldande som tidlegare.

    Eika Kredittbank vil likevel i ein periode etter samanslåinga forvalte dine samtykke på vegner av Kredittbanken. Dette betyr at dine samtykke blir gjevne og endra på same stad i mobil- og nettbanken, akkurat som før.

    For meir informasjon om behandlinga av dine personopplysningar i tida etter samanslåinga, sjå personvernerklæringa for Kredittbanken ASA på selskapets nettside.
  • Du vil få ein ny fakturautstadar, nytt utseende på fakturaen og nytt kontonummer for innbetaling. Har du oppretta manuell overføring frå din lønnskonto til lånet, må du oppdatere kontonummeret.

  • Vi vil innføre fire faste forfallsdatoar på den månadlege lånefakturaen: 1., 10., 15. og 20. Det betyr i praksis at forfallsdatoen på din månadlege faktura kan bli endra dersom denne skil seg frå desse.

  • Frå 23. januar vil du få tilgang til nye tenester og funksjonar som vil gjere det enklare å administrere lånet ditt. Meir informasjon om dette kjem snart.
Søknaden blir òg heilt ny. Treng du å søkje om eit nytt lån etter kvart, vil du møte ein forbetra og smidigare låneprosess. No får vi ei eiga søknadsløysing for forbrukslån og ei tilpassa søknadsløysing for refinansiering. Då blir det enklare å rydde opp i mange små kredittar og samle alt i eit større lån hos oss.

For deg som har køyretøylån  

Din långjevar Eika Kredittbank byter namn til Eika digitalbank den 7. januar 2025. Du som kunde treng ikkje å gjere noko i samband med namneendringa. Det einaste som endrar seg er avsendar på den månadlege lånefakturaen eller AvtaleGiroen. Alt går heilt automatisk, og ingenting anna vil endre seg.

Viktige datoar framover  

Har du kredittkort eller forbrukslån hos oss, vil du motta eit formelt varsel om samanslåinga på e-post, SMS eller per post. Varselet blir sendt fredag 6. desember, og alle kundar med kredittkort vil finne kopi av brevet digitalt under Faktura og dokument i mobil- og nettbanken.

Har du forbrukslån, vil du motta varselet som eit vanleg brev i posten.

Kopi av alle varselbrev finn du her:

Har du påbegynt ein søknad om forbrukslån eller refinansiering, må du fullføre søknadsprosessen og signere lånedokumenta innan klokka 12:00 den 31. desember. Rekk du ikkje fristen, må du søkje på nytt på nyåret.
Juridisk fusjon mellom Eika Kredittbank og Sparebank 1 Kreditt. Frå denne datoen er det det nye, samanslåtte selskapet som utstader våre kredittkort og forbrukslån, men namnet Eika Kredittbank, og seinare Eika digitalbank, vil framleis visast på enkelte flater inntil alle systema er overførte til det nye selskapet.
Eika Kredittbank, som held fram med å tilby og drifte våre køyretøylån, byter namn til Eika digitalbank.
Vi lanserer ny tilpassa søknad om refinansiering og ei eiga søknadsløysing for forbrukslån for å skilje mellom ulike kundebehov og forbetre kundeopplevinga.
Parallelt med søknaden lanserer vi òg heilt nye lånetenester som du får tilgang til i mobil- og nettbanken.