Fordelane med eit forbrukslån

Med eit forbrukslån får du ei trygg løysing som dekkjer dine behov når uventa utgifter dukkar opp.

Kva er forbrukslån?

Forbrukslån er eit kortsiktig lån utan tryggleik. Det tyder at vi ikkje tek pant i bustaden din eller andre eigedelar. Sidan lånet er usikra, har det ei høgare rente enn lån med tryggleik, som bustadlån eller billån. Difor er det lurt å prioritere rask nedbetaling for å unngå unødvendige rentekostnader.

Når kan eit forbrukslån vere nyttig?

• Når verkstadsrekninga blir høgare enn forventa.
• Ved uventa kostnader til tannlege eller annan medisinsk behandling.
• Når ein mindre skade oppstår i heimen din – til dømes ein vasslekkasje eller behov for oppgradering av det elektriske anlegget i bustaden.

Slik søkjer du

• Du må vere over 20 år og kunde i banken.
• Du kan låne opptil 300 000 kr ved å søkje på nett, og opptil 500 000 kr med rettleiing frå ein av våre rådgivarar.
• Det er viktig å hugse at lånet må nedbetalast innan 5 år. Dette påverkar kor mykje du må betale kvar månad, og vi sørgjer for at nedbetalingsplanen blir handterleg og tilpassa din økonomi.
• Vi vurderer søknaden din individuelt og gjev deg eit uforpliktande tilbod.
• Er du fornøgd med lånetilbodet, signerer du lånedokumenta elektronisk med BankID.
• Full oversikt over lånet får du deretter i mobil- og nettbanken.