Dei fire viktigaste forsikringane for deg og dine
Er du og familien din godt nok sikra for framtida? Desse forsikringane gjer at du ikkje treng å tenkje på økonomien om noko skulle skje.
Tør du å tenkje det utenkjelege - at du eller dine næraste blir råka av sjukdom, uførleik eller døyr? Er du ikkje rett forsikra skal det ikkje mykje til før det snur livet ditt heilt opp ned og velter heile økonomien din.
Ingen kan spå framtida. Det einaste vi kan gjere er å sikre oss så godt vi kan.
Dette er dei viktigaste forsikringane du bør ha for deg og familien din:
Uføreforsikring
Om du blir langvarig arbeidsufør og ikkje kan jobbe meir, vil du få eit betydeleg tap i inntekta di. Har du råd til det?
Ein uføreforsikring gjev deg økonomisk tryggleik om du ikkje kan jobbe fullt lenger på grunn av sjukdom eller ulukke.
Forsikringa kompenserer for noko av den tapte inntekta di om du blir arbeidsufør og dekkjer utgiftene dine medan du er ute av stand til å jobbe. På den måten kan du oppretthalde den levestandarden du er vand med.
Sjølv om det offentlege helsevesenet i Noreg er godt utvikla og dekkjer noko av inntektstapet ved uførleik, vil du oppleve at uføretrygda du mottar frå NAV er mykje lågare enn lønna du er vand med. Men med ein uføreforsikring får du meir enn du vil motta frå NAV.
Kritisk sjukdom-forsikring
Denne forsikringa gjev deg ei skattefri eingongsutbetaling om du blir alvorleg sjuk.
Når du blir alvorleg sjuk kan det dukke opp heilt nye behov. Korleis du bruker pengane frå forsikringa di er heilt opp til deg.
For sjølv om helsevesenet i Noreg tilbyr god behandling, kan det framleis vere kostnader som ikkje blir dekte av det offentlege.
Forsikringa kan til dømes brukast til å betale for behandling som ikkje blir dekt av det offentlege eller til å nedbetale gjeld. Eller kanskje ønskjer du å tilbringe meir tid med dine næraste? Valet er ditt.
Barne- og ungdomsforsikring
Barneforsikring gjev deg og dine ekstra økonomisk tryggleik om borna dine blir sjuke eller skada.
Forsikringa er eit tillegg til dei offentlege ytelsane og vil hjelpe barnet og familien din med utgiftene som følgjer med sjukdom og skade. Då kan du fokusere på barnet ditt og gjere det som er best for familien din i ei vanskeleg tid.
Livsforsikring
Denne forsikringa gjev familien din ei utbetaling om du fell bort. Forsikringa dekkjer dødsfall, uansett årsak, og gjev ei eingongsutbetaling som hjelper familien din med å betale for bustad, gravferd og andre utgifter.
Du bestemmer sjølv kven som skal motta forsikringssummen. Pengane kan brukast til kva som helst, og blir ofte brukte til å betale ned gjeld slik at familien kan behalde heimen.
Les mer om personforsikringer
