Det er lurt å spare til pensjon sjølv om du er ung
Som ung og kanskje ny i arbeidslivet, forstår vi at pensjonssparing kan vere noko du ikkje tenkjer så mykje på. Men jo tidlegare du tek grep om eigen pensjon, jo meir har du å leve for den dagen du ikkje skal jobbe lenger. Og visste du at jo tidlegare du startar å spare til pensjon, jo mindre treng du å spare kvar månad?
Start sparinga tidleg
Forventa levealder aukar for kvart år. Det betyr at pensjonen vi får frå Folketrygda ifølgje statistikken vil måtte vare i fleire år enn tidlegare. Dette gjer at vi sit igjen med mindre pensjon frå Folketrygda, og viktigheita av å ta grep om eigen pensjonssparing aukar. Mange ønskjer å ha ei tryggare økonomisk framtid og fridom når ein er pensjonist, og då er det viktig å spare på eigen hand. Jo tidlegare du byrjar med månadleg sparing, jo mindre treng du å spare jo eldre du blir.
Logg inn på Norsk Pensjon for ei samla oversikt over din pensjon. Sjekk også kva arbeidsgivar sparer for deg. Ved å få ei fullstendig oversikt over pensjonen din, kan du ta eit aktivt eigarskap til sparinga. Les meir om korleis her.
Juster aksjeandelen
Med ein lang sparehorisont kan du tole meir risiko. Auk aksjeandelen i pensjonssparinga for potensielt høgare avkasting. Aksjar har historisk gitt høgare avkasting enn andre spareformer over tid, noko som kan gi ein betydeleg auke i pensjonssparinga di.
Lag ein spareplan
Sett deg eit mål for månadleg sparing. Pensjonssparing er langsiktig, så ver konsekvent. Lag ein plan og sett av eit fast beløp kvar månad til pensjonssparing. Dette gjer det enklare å halde oversikt og sikre at du når dine mål.
Spre sparinga di
- Bufferkonto: Ved å ha pengar tilgjengeleg for uforutsette utgifter, har du ei økonomisk tryggleik i tilfelle uventa hendingar skulle skje. Les meir om sparekonto.
- BSU: BSU er ei gunstig spareordning for unge som sparer til eigen bustad, og gir gode skattefordelar. Kontoen kan fyllast opp kvart år fram til du er 34 år. Her finn du meir informasjon om BSU.
- Fond: Sparing i fond gir historisk moglegheit for høgare avkasting over tid, samanlikna med tradisjonell banksparing. Finn ut meir om fonda våre.
- Pensjon: Sett opp ei eiga, langsiktig sparing til pensjon. Då unngår du å «ete av» din eigen sparing før pensjonsalder til andre formål. Pensjonssparing bør vere langsiktig og målretta. Les meir om pensjonssparing her.
Set av ekstra pengar
Om du har moglegheit, øyremerk eit beløp frå eventuelle lønsaukingar, bonusar, feriepengar og skattepengar til å auke sparebeløpet ditt gradvis. Dette gir gode sparevanar utan å påverke ditt daglege forbruk. Hugs at sjølv små beløp kan vekse seg store over tid.
Få personleg rådgjeving
Book eit møte med ein av rådgjevarane våre, og få personleg rådgjeving og gode råd om sparing og pensjon. Dei kan hjelpe deg med å kome i gang, og lage ein skreddarsydd spareplan som passar din økonomiske situasjon og dine behov.
