Visste du at innbuforsikringa dekkjer rettshjelp?

Sjå for deg at du har brukt ein handverkar til å pusse opp badet ditt og oppdagar at flisene er skeive, røra lek og standarden overhodet ikkje lever opp til den de blei einige om. Handverkaren derimot glimrar med sitt fråver, nektar å ta ansvar, sender deg ei faktura og krev at den blir betalt.

Irriterande, ikkje sant?

Rettshjelp – di redning i konfliktar

Før eller seinare vil faktisk ganske mange av oss hamne i ein eller annan konflikt. Og i slike konfliktar, der ueinige herskar og sterke kjensler er i sving, kan fakta, detaljar og oppfatningar ofte bli til ei uklar verkelegheit og sluke deg heilt.

Viss konflikten i tillegg går så langt at du må søkje juridisk hjelp, og i verste fall må ein tur innom rettsapparatet, kan det fort bli dyrt.

Då er det kjekt å vite at du i mange tilfelle får dekt utgiftene til advokat, retten, sakkyndige og vitne i dei fleste forsikringane våre.

Denne typen rettshjelp er for å sikre at folk med ein heilt vanleg økonomi skal få moglegheita til å stå i ein rettssak.

– Rettshjelp er kort fortalt ei forsikring som dekkjer utgifter til advokat dersom du blir part i ein tvist. Ein ueingheit med ein handverkar der du for eksempel opplever at han sender faktura og ber om oppgjer før du meiner at arbeidet han har utført er av den standarden de blei einige om, kan vere ei slik problemstilling, forklarer Kjetil Røhne-Hagen i Eika Forsikring.

Rettshjelp - ein naturleg del av våre forsikringar

Det er mange som ikkje veit at rettshjelp er inkludert i dei fleste av forsikringane våre. Den er nemleg ein del av forsikringa for både:

• Hus
• Hytte
• Innbu
• Reise
• Båt
• Kjøretøy

Det er for eksempel bustadforsikringa di som gjeld om det oppstår ein tvist i samband med at du er involvert som eigar av eigedommen. Oppstår det ein konflikt på ei reise, må du ta reiseforsikringa til hjelp.

Men det er innbuforsikringa som gjeld om du hamnar i ein tvist som privatperson, og det er også den som er mest omfattande.

Har du ikkje ei innbuforsikring og vil vere føre var? Då kan du kjøpe den av oss her.

Vi har i tillegg laga nokre råd til deg viss ting verkeleg går skeis.

Dette bør du tenkje på viss du er i ein rettsleg konflikt

Sjekk kva slags type rettshjelp forsikringa din dekkjer

Ikkje alle saker blir dekte av rettshjelp. Så det første steget bør vere å gå gjennom forsikringsbeviset ditt og vilkåra som står der.

Dei vanlegaste sakene som blir dekte av forsikringa er:

• Tvist ved kjøp og sal
• Tvist om erstatningskrav
• Tvist om reklamasjonar

De vanlegaste sakene som ikkje blir dekte av forsikringa er:

• Arbeidsrettslege tvister
• Tvistar om skatte- og avgiftsspørsmål
• Tvistar som handlar om gjeldsforhandlingar og konkurs
• Saker om forvaltningsvedtak
• Tvistar i samband med separasjon, skilsmisse, arv eller liknande.

Les vilkåra nøye for å vere på den sikre sida.

Kontakt ein advokat – og så oss

Viss det oppstår ein konflikt som går så langt at du får behov for juridisk hjelp, kontaktar du ein advokat som har kompetanse på det konflikten din handlar om.

Tenker du at konflikten kvalifiserer for å få dekt advokatkostnadene, kontaktar du oss så fort som mogleg og seinast innan eitt år etter at du engasjerte advokaten. Dette må skje skriftleg.

Vit kor mykje du kan forvente å få i støtte

Innbuforsikringa vår dekkjer utgifter opp til 100 000 kroner. Er det tre eller fleire partar på same side i ein tvist, er forsikringssummen utvida til 250 000 kroner.

Men du er nøydt til å avgrense utgiftene til rettshjelp mest mogleg og dokumentere alle utgifter.

Ikkje gløym eigenandelen

Viss du brukar rettshjelp, må du betale ein eigenandel på 4 000 kroner. I tillegg til denne eigenandelen må du betale 20 prosent av det overskytande.

Tenk deg godt om

Å vere involvert i ein rettssak kan vere krevande både på eit økonomisk og personleg plan. Vurder saka med advokaten din. Kor sterk er den? Det er ingen vits å forfølgje ei sak der sjansane for å vinne er små. Skulle du tape saka, kan du bli nøydt til å betale motpartens omkostningar i tillegg til dine eigne.

Nokre gonger kan det også vere meir økonomisk og tidsbesparande å inngå eit forlik.

Så tenk deg godt om.

Forsikringa må vere på plass før du treng den

Du vil ikkje få dekt dei juridiske kostnadene for ein tvist viss grunnlaget for tvisten allereie eksisterte då du kjøpte forsikringa.

Sagt på ein annan måte: viss du var klar over ein potensiell tvist eller ueingheit før du kjøpte forsikringa, vil du ikkje få dekt utgiftene til rettshjelp.

Sørg derfor at du kjøper forsikringa før du faktisk treng den.