Kort forklart om kredittkortfaktura

Har du valt forfallsdato den 5. i kvar månad vil du få rekninga ca. den 20. månaden før. 

F. eks rekninga med forfall den 5. februar vil sendast til deg ca. 14 dagar før, dvs. 20 januar. Denne rekninga vil innehalda alle kjøp du har gjort i perioden 20. desember (dagen du fekk den førre rekninga på kredittkortet) til 20. januar.

I praksis betyr dette at du blir fakturert for kjøp gjennomført frå den 20. i inneverande månad til den 20. neste månad, og dessutan at du får ca. 14 dagar å betala rekninga på. Sjølve rekninga må du betala den 5. kvar månad.

Har du valt forfallsdato den 15. i kvar månad vil du få rekninga siste dagen i førre månad.

F. eks rekninga med forfall den 15. februar vil sendast til deg ca. 14 dagar før, dvs. 30. / 31. januar. Denne rekninga vil innehalda alle kjøp du har gjort i perioden 1. januar til 31. januar. 

I praksis betyr dette at du blir fakturert for kjøp gjennomført i løpet av ein heil månad (1. – 31. januar), og dessutan at du får ca. 14 dagar å betala rekninga på. Sjølve rekninga må du betala den 15. kvar månad.

Har du valt forfallsdato den 25. i kvar månad vil du få rekninga ca. 14 dagar før, altså ca. den 10. i inneverande månad.

F. eks rekninga med forfall den 25. februar vil sendast til deg ca. 14 dagar før, ca. den 10. februar. Denne rekninga vil innehalda alle kjøp du har gjort i perioden 10. januar – 10. februar.

I praksis betyr dette at du blir fakturert for kjøp gjennomført i løpet av 30 dagar (10. 01 – 10.02), og dessutan at du får ca. 14 dagar å betala rekninga på. Sjølve rekninga må du betala den 25. kvar månad.

Alt du handlar av varer og tenester i butikk og på nett blir rekna som varekjøp. Kontantuttak i minibank og overføring frå kredittkortet til eigen konto er tenestene som fell utanfor denne kategorien.

Bruker du kredittkortet vil du  få månadleg faktura på beløpet du har handla for. På fakturaen vil du finna minstebeløpet du må innbetala og totalt beløpet du har brukt. Minstebeløpet er summen banken krev at du betaler innan forfall, hos oss utgjer denne 3 % av nytta kreditt eller minimum kr 250. Utover det er det du sjølv som avgjer kor mykje du ønsker å betala. Betaler du tilbake alt du har brukt innan forfall vil du ikkje bli belasta renter.

Nytta kreditt er beløpet du har handla for / har brukt på kredittkortet. Disponibel kreditt er beløpet du kan fortsatt bruka på kortet til kredittgrensa er nådd.

F. eks har du kredittgrense på kr 30.000 og kjøper ein el-sykkel for kr 20.000, vil du få nytta kreditt på kr 20.000 og disponibel kreditt på kr 10.000.

Nominell renta er renta kor ekstraomkostninger som f. eks diverse gebyr og renta til rente ikkje er medregnet. Den nominelle renta er rentesatsen som fungerer som eit slag fundament for beregningen av den effektive renta som avgjer kor mykje du faktisk betaler.

Effektiv rente er renta du faktisk betaler dvs. nominell rente inkludert gebyr og renta til rente. Den effektive renta er alltid høgare enn den nominelle rentesatsen.

Dette er det uteståande beløpet du må betala renter på. Du får rentebærende saldo dersom du ikkje betaler inn alt du har brukt på kredittkortet innan 45 dagar (innan forfall). La oss si at du kjøper ein el-sykkel for kr 20.000, ved forfall betaler du tilbake berre kr 5.000. Dei resterande kr 15.000 må du betala renter på, dermed blir dette din rentebærende saldo til neste forfall.

Når du handlar varer eller tenester med kredittkortet har du ein periode på inntil 45 dagar der du kan låna pengane rentefritt. Dersom du ikkje betaler tilbake beløpet du har brukt innan 45 dagar, byrjar det å påløpe renter. Den rentefrie perioden kallast for rentefri betalingsutsettelse og han beskriv kor lenge du kan låna eit beløp på kredittkortet utan å betala renter for det.

Bruker du meir pengar enn det kredittgrensa tillèt, vil du bli belasta med eit overtrekksgebyr. I utgangspunktet kan du ikkje kjøpa varer og tenester for meir pengar enn det du har tilgjengeleg på kortet, men du kan hamna i overtrekk dersom du har brukt heile kredittgrensa og påløpte gebyr  og renter blir belasta i ettertid. Eit anna tilfelle er når brukarstader ikkje er i direkte kontakt med oss slik at dei kan sjekka beholdningen på kortet ditt før eit kjøp blir utført. I slike tilfelle kan dei trekka kredittkortet for meir enn det som er disponibelt.

Til vanleg kan du velje mellom forfall den 5., 15., og 25. når du søkjer om kortet. Ønskjer du å endre forfall på eit seinare tidspunkt kan du sende ein e-post til kundesenter@eika.no.

Akkurat no gjennomfører vi eit systembyte og det er dessverre ikkje mogeleg å endre forfallsdato. Alle nye kundar får også automatisk forfallsdato den 15. i månaden utan å kunne velje ein annan dato når dei søkjer om kortet.

Vi forventar at moglegheita for å endre forfall vil vere tilgjengeleg igjen i løpet av juni.

Ja, du kan gjera ekstra innbetalingar på kredittkortet etter eige ønske og behov. Du bruker same KID-nummer og kontonummer som vanleg. KID- og kontonummer blir ikkje forandra, og kan nyttast ved alle innbetalingar. Kontonummeret er alltid 7050.06.62172, KID-nummeret ditt er personleg og du finn det på ein tidlegare faktura frå oss eller under "Kortinformasjon" i mobil- og nettbanken.

Nei, vi tilbyr ikkje Avtalegiro på noverande tidspunkt.

Grunnen til dette er at vi ønsker å gjera deg som kunde oppmerksam på kva du handlar og kor mykje du handlar for. Det er viktig at du kontrollerer den månadlege rekninga og sjekkar at alle transaksjonar som er fakturerte stemmer med det du har kjøpt. Oppdagar du ukjente rørsler på kortet må du varsla oss så snart som mogleg for å avgrensa moglegheitene for svindel og vidare misbruk.

Med Avtalegiro betaler du rekningane automatisk og treng ikkje sjekka fakturaen på førehand. Då kan du enkelt oversjå små beløp som blir trekt urettmessig frå kortet og i verstefall missa reklamasjonsretten, dersom du oppdagar kortsvindelen for seint i forhold til fristane din reklamasjonsrett baserer seg på.