5 tips for økonomisk fridom med fleire kontoar

 Å ha oversikt over pengebruken kan gjere kvardagen både enklare og mindre stressande. Anten du ikkje har planlagt økonomien din før, eller står i ei situasjon som krev ei ny gjennomgang av pengane dine, kan kunnskap om korleis du styrer pengane dine smartare, gjere ein stor skilnad. Sjå våre tips som kan gi deg meir økonomisk fridom.

Kortversjonen

1. Sett opp eit budsjett, spør oss om du treng hjelp
2. Organiser med fleire kontoar
3. Start sparing med små beløp, 100 kr er nok
4. Automatiser betalingar med AvtaleGiro
5. Juster jamleg, gjerne månadleg

Korleis lagar eg eit budsjett?

Å sette opp eit budsjett er enklare enn du trur. Logg inn i nettbanken og sjekk kva du bruker pengar på. Sorter utgiftene dine i grupper som 'husleige', 'mat', og 'fritid'. For å sjå kva vanlege utgifter kan vere, sjekk ut SIFOs referansebudsjett. Det gir deg ein peikepinn på kva du kanskje burde bruke pengar på.

Kvifor skal eg ha fleire bankkontoar?

Ved å ha ein konto for kvar type utgift (som ein for rekningar, ein for matinnkjøp, og ein for moro), blir det lettare å halde styr på pengane dine. Du veit alltid kor mykje du har å bruke og det hjelper deg å ikkje bruke for mykje.

Korleis startar eg med å spare pengar?

Å spare pengar er smart, sjølv om du startar med små beløp. Opprett ein sparekonto og sett opp eit automatisk trekk kvar gong du får lønn. Det kan vere lite som 100 kr kvar månad. Over tid vil dette vekse og gi deg ein fin buffer. Visste du at det er lurt å ha nok på bufferkontoen til å dekke utgifter for 3-6 månader, så du slepp stress med uventa rekningar?

Kvifor er det lurt med automatiske betalingar?

Når du set opp automatiske betalingar for ting som husleige eller mobilabonnement, slepp du å bekymre deg for å gløyme ei betaling. Det gjer livet litt enklare og du unngår unødvendige gebyr for forseinka betalingar.

Kva gjer eg viss eg tener pengar på ein ujamn måte?

Viss du jobbar som frilanser eller har ein deltidsjobb der inntekta varierer, er det viktig å vere ekstra nøye med budsjettet ditt. Prøv å justere kor mykje du set til side i dei gode månadene, så du har litt ekstra når inntekta er lågare. Og prøv å unngå å ta pengar frå sparekontoen din, slik at du alltid har ein buffer.

Gjer det til ein vane å sjekke pengebruken din ein gong i månaden, og juster budsjettet ditt minst ein gong i året for å passe betre med dine noverande behov.

"Ved å vere merksam og tilpasse korleis du bruker pengane dine, kan du sikre at du alltid har nok til det du treng og ønskjer". 

Sertifisert bankrådgjevar. Om du treng nokre tips eller litt hjelp undervegs, hugs at våre rådgjevarar alltid er klare til å hjelpe deg å finne dei beste løysingane for din situasjon.