Spare til pensjon

Pensjonen din er det du skal leva av når du sluttar i arbeidslivet.

Pensjonen består av tre delar; 
- Pensjon frå folketrygda
- Pensjon frå arbeidsgjevar
- Eigen pensjonssparing

Pensjonstal er ei slags utrekning eller pensjonskalkulator som skal gi deg ei betre oversikt over pensjonen din. Denne viser kva du samla kan forventa å få i pensjon frå Folketrygda, pensjonssparing frå tidlegare arbeidsplassar og pensjonssparinga du eventuelt gjer på eigenhand.

Svaret på dette er individuelt, og det kjem heilt an på korleis du ønskjer å leva som pensjonist, kor mange år du har arbeidd og kor god pensjonsordning du har via arbeidsgjevaren din.

Følgjande pensjon kan arvast:

• Innskotspensjon
• Pensjonskapitalbevis
• Eigen Sparing

 

Følgjande pensjon kan ikkje arvast:

• Pensjon frå Folketrygda
• Avtalefesta pensjon (AFP)
• Fripolise med/utan investeringsval
• Ytingspensjon

IPS står for individuell pensjonssparing

Når du sparer på ein IPS konto, kan du spara inntil 40.000 kroner kvart år og då få ein årleg skattefordel på 22%. Dette betyr at du kan få 8.800 kroner i skatteutsetjing kvart år viss du sparer maksbeløpet på 40.000.  

Viss du vel å spara til pensjon på ein IPS konto, er heile sparesaldoen din sett bort frå formuesskatt, og du betaler heller ikkje skatt på avkastinga i spareperioden. Det er fyrst når du som pensjonist tek pengane ut av IPS kontoen at du betaler vanleg inntektsskatt.

Pengane på IPS kontoen kan du tidlegast ta ut frå du fyller 62 år og utbetaling skjer minimum over 10 år, minst til du fyller 80 år.

 

Vi klarer berre å visa det som blir vist hos Norsk Pensjon. Dersom du har pensjon i eit selskap som ikkje sender info dit, eller har oppspart pensjon frå stat eller kommune vil dette desverre ikkje visast