AvtaleGiro er automatisk betaling av faste rekningar. Du slepp å fylle ut konto- og KID-nummer, og rekningane blir alltid betalte på forfallsdato, dersom det er dekning på kontoen din.

• Påliteleg innbetaling av faste rekningar.
• Kvar AvtaleGiro er synleg i betalingsoversikta di minst sju dagar før forfall.
• Du kan sjølv endre forfallsdato, beløp og belastningskonto, i tillegg til at du kan stoppe betalinga.
• Kan kombinerast med eFaktura.

Med eFaktura får du rekningane dine ferdig utfylt i nettbanken. Dermed slepp du å taste inn KID-og kontonummer. Det einaste du må gjere, er å bekrefte betalinga.

Du kan sjølv endre beløp og forfallsdato på ein eFaktura dersom du ønskjer det. Når rekninga er betalt, blir ho oppbevart elektronisk i nettbanken. Slik har du alltid full oversikt, både over betalte og ubetalte rekningar.

• Du kan få varsel på e-post kvar gong du får ein ny eFaktura.
• Kan kombinerast med AvtaleGiro.

Å betale til utanlandske kontoar skal vere enkelt og trygt. Du kan leggje betalingar til forfall fram i tid og lage eit eige mottaksregister for utlandsbetalingane dine. Du kan gjennomføre betalinga sjølv via nettbanken din, eller sende oppdraget til banken dersom du ikkje har nettbank. Hugs at kvitvaskingslova krev at ein oppgir bakgrunnen for betalingar som overstig 40.000 norske kroner, eller tilsvarande beløp i utanlandsk valuta.

For å betale til utlandet må du:

• ha mottakaren sitt fullstendige namn og adresse
• ha mottakaren sitt IBAN (i) kontonummer og banksamband
• ha mottakarbanken sin SWIFT/BIC-kode

IBAN/kontonummer finn du som regel på fakturaen, saman med andre betalingsopplysningar.

Med våre SMS-tenester kan du enkelt overføre pengar mellom eigne kontoar, sjekke saldo og få oversikt over siste transaksjonar. Du kan i tillegg setje opp automatisk varsling av for eksempel lønns- og pensjonsinnbetalingar og større utbetalingar.

• Gir rask og enkel oversikt.
• Varsling av store utbetalingar gir tryggleik.
• Tenestene blir administrerte i nettbanken, men kan også leggjast opp for kundar som ikkje har nettbank.

Vi hjelper deg med betaling, utanlandsbetaling, overføringar, utbetalingstilvisingar, kontantar, veksling, valuta, bankremissar og gåvekort i banken. Du kan kome innom eller ringe.
Dei fleste av tenestene vi tilbyr, kan du sjølv administrere i nett- eller mobilbanken din. Dersom du vil ha hjelp til å kome i gang med nettbank, mobiltenester eller har andre spørsmål, ta ein tur innom oss!

Verdikort kan brukes som gavekort eller kontantkort i alle butikker som aksepterer Visa. Kortet er perfekt å gi bort for eksempel som gave.